NNA SUFRI
Mortundadi sinta na
bu djorson
Kassabi gassidja na bu korson
Nna sufri!
Morti di bom fidju i simintera
Di pás na tempu di
guera
Nna,
Ka bu tchora
prizidenti!
Ka bu tchora
kombatenti!
Kutok-tok-tok bumbulun konta tchur
Mantenhas tristi di tabanka
Intchi barkafon di dur
Ma kantiga di luta nô na kanta
Pabia Guiné bu na lanta
Bu na lanta bu
firma tchan
Suma pé di bissilon
Bu na perta bambaran
Na bridja di bu rosson
Pabia kaminhu lundju
Kaminhu di liberdadi
Kaminhu di bardadi.
Poema de: Vasco de Barros.
