POEMA

N'bin tcholonau noba di bus

Kil bus ku nhu bota ba oranus
Pa sibi dia ku pé na mara mon
Ma suma Bissau na muda inda
Bus tambi na rola ba inda pa bai

Ali pubis pembi dinguinhu
Utrus kursa nan pé ku sintidu
Lundjisidus ku  udjus rinkadus
Na n'uli bus na rola son na B'sau
I sardia bekus tudu tok i kontranda

Atchutchi, forti nudadi na no B'sau
Na kau ku kansare kaiu guerra nel
La tan ku bus pirdi forsa i djunki
Di dia uan, anôs tudu no odja
Kau ku pé na mara mon nel

M'pupa sakuuuurrrr!
Faladu kuma Gan Baz
Ku cibi topitu di polaz
Ku si rostu di runhessa
Ku ta nali tanbi buressa
Ma ku si fama di ukessa
Talbez desdi si mininessa
Disna ku si vontadi rapassa
Ku tudu disidju di no nobressa
Ita n'djata tudu tipu di komberssa
No nota dja, bu kudadi i son rikessa
Guinguinu son ku bu balei di mufunessa

Si bu purfial son ita botau baz
Kuma el ki seti ku az di Gan Baz
Si passus mofinu tchigantal polaz
Ku fitu di roba pubis ê padaz di paz

Pui kabesa baz ita pembiu na ragaz
Si bu ta leba bu tisi tan ita dau padaz
Ninsi bu tona sedu mas rapaz inkapaz

Atchutchy, forti nudadi na B'sau nandó
Des un bias nin bokana di Bissassema
No kana tchiga, nhu Baz sai pubis pa traz

Baz
Pubis ku dau az
No tchigantau polaz
Si bu pintchanu pa traz
Bu kaba bu solfanu paz
No na riantau te la baz baz
Bu pudi fia kuma anos i kapaz

Autor: Emílio Tavares Lima

Sent from my Samsung device