Dismantcha Guine
Pabia di ke ku manda bo ca dixa Guine ianda oh cu si pe
Pabia di ke ku bo na djunda no mistidas pa tras
Kin ku kiri iabri udju son, el cu sibi i mas tudu djinti na Guine
Kin ku kiri limpsa boca nin tarbadju ca tem mas son papia son
Iagu na lagua pa busca rio
Caminho tudo tapa
Ninguim ca seta calura pa bem di Guine
So interesse di se bariga
Si no ca djunta suma dedu di mon
No na da mundu garaxa
Galinha da exemplo i cansa bo ca ntindil
Bo na busca farta di um bias sim calura
Camalion Cuma djanti i ka nada tchiga ki tudo
Dianti ki caminhu no bai ku seguranca
Guineenses no djunta distino
Si no ca sibi djugau cu ambicon no na boia
Caminhu lundju inda, no lanta no ca sibiu iandal
Tchutchi tchutchi son tempo na bai nada cumpu
No faci lei de estafeta, sim forxa
No cunsa bata n'hoti n'hoti rema tras di lantcha garandi.
Es koresma cu no na vive sim um dia i na caba
Ma ntem esperanca Cuma Guine um dia na sabi djintis cume e limbi mon
Mas no para bel beli sim faci nada
No para cusasinhu randja forxa dja
No seta diferenca oh, no tarbadja pa um vida mindjor
